Madridiň “Realynyň” hüjümçi ýarymgoragçysy Jud Bellingem, Futboluň taryhy we statistikasy halkara federasiýasy (IFFHS) tarapyndan 2024-nji ýylyň iň gowy oýunçysy diýlip saýlandy. Iňlis futbolçysy ses berişligiň netijeleri boýunça 133 bal toplap, ähli bäsdeşlerinden esli arany açyp ýeňdi.
“Mançester Sitiniň” we Belgiýanyň ýygyndysynyň ýarymgoragçysy Kewin De Brýoýne ikinji ýeri eýeledi. Ilkinji üçlügi “Realyň” öňki ýarymgoragçysy nemes Toni Kroos tamamlady.
Sanawda argentinaly Lionel Messi bäşinji orny eýeledi.
IFFHS-niň wersiýasy boýunça 2024-nji ýylyň iň gowy 10 oýunçy şular:
- Jud Bellingem (“Real” Madrid) - 133 utuk.
- Kewin De Brýoýne (“Mançester Siti”) - 96 utuk.
- Toni Kroos (“Real” Madrid, karýerasyny tamamlan) - 78 utuk.
- Jamal Musiala (“Bawariýa”) - 54 utuk.
- Lionel Messi (“Inter Maýami”) - 53 utuk.
- Daniel Olmo (“RB Leýpsig” / “Barselona”) - 48 utuk.
- Florian Wirs (“Baýer”) - 31 utuk.
- Hames Rodriges (“Raýo Walýekano”) - 26 utuk.
- Hakan Çalhanoglu (“Inter”) - 13 utuk.
- Martin Edegor (“Arsenal”) - 13 utuk.
