Futbolçylaryň gymmatyna baha bermäge ýöriteleşen Transfermarkt portaly Argentinanyň milli ýygyndysynyň we “Inter Maýami” klubunyň hüjümçisi Lionel Messi barada maglumatlary täzeledi. 37 ýaşly oýunçynyň bazar bahasy indi 20 mln ýewro diýlip hasaplanylýar, öň ol 25 mln ýewrody.
Lionel Messi 2023-nji ýylda Fransiýanyň “PSŽ” klubundan erkin agent hökmünde amerikan klubuna geçdi. Bu döwürde ol 39 oýna gatnaşyp, 34 gol geçirdi we 19 assist berdi.
Messi dünýäniň iň gowy futbolçysyna berilýän “Altyn top” baýragynyň sany boýunça rekord eýesidir. Onuň hasabynda şeýle baýrakdan sekiz sanysy bar.
