ABŞ Ýeriň orbitasyndaky obýektlere gözegçilik etmek üçin Silent Barker hemra ulgamyny işläp taýýarlaýar. Bu barada Amerikanyň Kosmos güýçleriniň ýolbaşçysy general Stiwen Uaýting Florida ştatynyň Orlando şäherinde geçirilen Kosmos güýçleri assosiasiýasynyň kongresinde eden çykyşynda aýtdy.
Uaýtingiň aýtmagyna görä, ulgamyň ilkinji hemralary 2023-nji ýylyň sentýabr aýynda uçuryldy we häzirki wagtda synagdan geçirilýär. Enjamlaryň takyk sany aýdylmaýar, ýöne olaryň azyndan ikidigi bellenilýär.
2025-nji ýylda hemralary synag ulanylyşyna goýbermek meýilleşdirilýär.
“Synagdan we barlagdan geçenden soň, olardan maglumatlar biziň operatiw maglumat bazalarymyza gelip başlar” – diýip, Defense News neşiri Uaýtingiň sözlerini getirýär.
Ulgamyň doly işe girizilmegi 2026-njy ýyla meýilleşdirilýär.
Silent Barker, takmynan, 35,4 müň kilometr belentlikde geosinhron orbitada işlär. Bu maksatnamanyň çäklerinde giňeldilen hemra toparyny döretmek üçin täze uçuryşlar hem göz öňünde tutulýar.
