Mersedes-Benz ulagyň ogurlanmagyny has kynlaşdyrýan Guard 360° howpsuzlyk ulgamyny hödürledi. Täze bukja ulag eýelerine ýokary derejedäki goragy hödürlemek bilen, ulagyň ogurlanmagynyň we wandalizmiň öňüni almaga niýetlenen ösen tehnologiýalary öz içine alýar.
Guard 360°-da gorag duýduryşy, ulagyň ýerinden gozgalmagyndan goraýjy, salonyň içindäki göwrüm datçikleri we töweregi 360° dereje ýazga alýan kamerasy bar. Eger ulag döwüp açmaga synanyşylsa ýa-da ulaga urulsa, eýesine ykjam programma arkaly derrew habarnama gelýär. Eger ogrulyk tassyklansa, ulgam ulagyň ýerleşýän ýeri baradaky maglumaty hyzmatdaşy Vodafone Automotive-e we hukuk goraýjy edaralara geçirýär.
Täze ulgamyň ulaga zeper ýeten ýagdaýynda kameralardan suratlary ýazga almak funksiýasy bilen üsti ýetirilýär. Aslynda, bu awtoulagyň töweregindäki bolup geçýän wakalary ýazga alýan wideoregistratordyr.
Bukjanyň bahasy awtoulagyň modeline we komplektasiýasyna baglydyr. Takyk maglumat almak üçin eýelerine resmi söwda dellallary bilen habarlaşmak maslahat berilýär.
