Andres Inýestanyň karýerasynyň tamamlanmagyna bagyşlanan oýunda “Barselonanyň” ady rowaýata öwrülen oýunçylary “Realyň” weteranlaryny ýeňdi. Oýun katalon toparynyň peýdasyna 2:1 tamamlandy.
Hasap birinji ýarymyň ortasynda iki klubda-da oýnan Hawýer Sawiolanyň tagallasy bilen açyldy. Ikinji ýarymyň 69-njy minudynda “Realyň” weterany Hawýer Balboa hasaby deňledi. Madridlileriň öňki goragçysy Fernando Sansanyň goşmaça berlen wagtda geçiren goly “Barselona” ýeňiş getirdi.
“Barselona” üçin 674 gezek çykyş eden, 57 gol geçirip, 135 netijeli pas beren Inýesta ýyldyzlaryň gurşawynda özüniň hoşlaşyk oýnuny oýnady. Onuň bilen birlikde meýdança Hawi, Iker Kasilýas, Roberto Karlos, Riwaldo, Lýudowik Žýuli, Rafael Markes, Hawýer Maskerano we Fabio Kannawaro ýaly meşhur futbolçylar çykdylar.
