Portugaliýaly futbolçy, “Al-Nasr” saud klubunyň hüjümçisi Kriştianu Ronaldu AVA ady bilen sport harytlarynyň täze brendini hödürledi. Ol täze taslama barada X sosial ulgamyndaky sahypasynda habar berdi.
“Şu gün meniň A harpynyň – AVA-dygyny aýtjak günüm. Bu meniň beýlekilere organizmini fiziki taýdan dikeltmäge we öndürijiligini ýokarlandyrmaga kömek etmek üçin türgen hökmünde öz tejribämi siňdirýän täze taslamam. Size ýene öňe gitmäge kömek etjek önümler” – diýip, futbolçy ýazdy. Şeýle-de, ol önümleriň katalogy we beýleki maglumatlar bilen tanyşmak üçin brendiň saýtyny hödürledi.
Brend 2004-nji ýylda esaslandyrylan Braziliýanyň Avanutri kompaniýasy bilen hyzmatdaşlykda döredildi.
AVA assortimenti güýçli türgenleşikden we sport ýaryşlaryndan soň çalt dikelmek üçin harytlary öz içine alýar. Önümler sargyt etmek üçin eýýäm elýeterli, ýöne bahalar, ulanyjylaryň pikiriçe, ýeterlik derejede ýokary. Taslama professional türgenlere gönükdirilendir.
