13-nji dekabrda 2026-njy ýylyň futbol boýunça dünýä çempionatynyň Ýewropa üçin bije çekişigi geçirildi. Milli ýygyndylar 5 sebede bölündi. Birinji sebede Milletler ligasynyň dörtden bir finalyna çykan 8 topar (Horwatiýa, Daniýa, Fransiýa, Germaniýa, Italiýa, Niderlandlar, Portugaliýa we Ispaniýa) we FIFA reýtinginde iň ýokary orunlary eýeleýän ýene 4 topar girdi diýip, Sports.ru habar berýär.
Toparlar 12 toparça bölündi we olaryň her birinde 4-5 ýygyndy bolar. DÇ-2026 üçin göni ýollamany toparçalaryň 12 ýeňijisi alar.
Ýene 4 sany Ýewropa topary çempionata 2026-njy ýylyň mart aýynda geçiriljek pleý-off oýunlary arkaly goşulyp biler. Bu oýunlarda saýlama ýaryşynyň toparlaýyn tapgyrynda ikinji orunlary eýelän 12 topar we göni saýlanmadyk hem-de toparçalaryň finalçylary hökmünde pleý-offa çykmadyk Milletler ligasynyň toparçalarynyň iň gowy dört sany ýeňijisi gatnaşar.
Saýlama ýaryşy 2025-nji ýylyň mart aýyndan noýabr aýy aralygynda geçiriler.
- A toparça: Milletler ligasynda Germaniýa – Italiýa duşuşygynyň ýeňijisi, Slowakiýa, Demirgazyk Irlandiýa, Lýuksemburg
- B toparça: Şweýsariýa, Şwesiýa, Sloweniýa, Kosowo
- C toparça: Portugaliýa – Daniýa duşuşygynda ýeňlen, Gresiýa, Şotlandiýa, Belarus
- D toparça: Fransiýa – Horwatiýa duşuşygynyň ýeňijisi, Ukraina, Islandiýa, Azerbaýjan
- E toparça: Ispaniýa – Niderlandlar duşuşygynyň ýeňijisi, Türkiýe, Gruziýa, Bolgariýa
- F toparça: Portugaliýa – Daniýa duşuşygynyň ýeňijisi, Wengriýa, Irlandiýa, Ermenistan
- G toparça: Ispaniýa – Niderlandlar duşuşygynda ýeňlen, Polşa, Finlýandiýa, Litwa, Malta
- H toparça: Awstriýa, Rumyniýa, Bosniýa we Gersegowina, Kipr, San Marino
- I toparça: Germaniýa – Italiýa duşuşygynda ýeňlen, Norwegiýa, Ysraýyl, Estoniýa, Moldowa
- J toparça: Belgiýa, Uels, Demirgazyk Makedoniýa, Gazagystan, Lihtenşteýn
- K toparça: Angliýa, Serbiýa, Albaniýa, Latwiýa, Andorra
- L toparça: Fransiýa – Horwatiýa duşuşygynda ýeňlen, Çehiýa, Çernogoriýa, Farer adalary, Gibraltar
