Arabika kofesi bazarda üpjünçiligiň ýetmezçilik etmeginden howatyrlanmagyň esasynda gymmatlamagyny dowam etdirýär. MarketWatch-yň maglumatlaryna görä, şu hepde Nýu-Ýorkda arabika üçin fýuçersler bir funt üçin 3,461 dollar derejesinde satyldy, bu bolsa 1972-nji ýylda maglumatlar yzarlanyp başlanaly bäri iň ýokary görkezijidir diýip, Interfaks habar berýär.
Hünärmenler güýçli gurakçylyk sebäpli Braziliýadan kofe üpjünçiliginiň azalmagyna garaşýarlar. Şeýle-de, ýaramaz howa şertlerinden zyýan çeken Wýetnamdaky arzan robusta kofesiniň hasyly-da alada döredýär.
Arabikanyň bahasy boýunça öňki rekord 1977-nji ýylda goýuldy we şol wagt hem ýakymsyz howa sebäpli Braziliýada hasylyň ýaramazlaşmagy bilen baglanyşykly boldy.
