Kinseý institutynyň alymlarynyň geçiren gözlegleri emoji muşdaklarynyň ýokary duýgur aňly we ygtybarly adamlaryň görnüşine degişli bolmak ähtimallygyny kesgitlemäge kömek etdi. Şeýle adamlar beýlekiler bilen içgin we berk aragatnaşyk saklamagy başarýarlar. Bu barada “PLoS ONE” žurnalynda habar berilýär.
Emoji häzirki zaman aragatnaşygynyň möhüm bölegine öwrüldi, ýöne onuň ulanylyşynyň psihologiki aýratynlyklar bilen nähili baglanyşygy barada az maglumat mälim.
Gözlegçiler 320 adamyň özüni alyp barşyny seljerip, emojileriň köplenç ýokary duýgur aňly we ygtybarly görnüşi bolan adamlar tarapyndan ulanylýandygyny anykladylar.
Olaryň stilleri üç görnüşe bölünýär: howsalaly, gaça durýan we ygtybarly. Gaçyş stili bolan adamlaryň hyzmatdaşlaryna, dostlaryna emojileri ibermek ähtimallygy az. Emma zenanlar maşgalasy we joralary bilen aragatnaşyk saklanda emojileri erkek adamlardan has ýygy ulanýarlar.
Bu netijeler emojiniň adamyň duýgy we psihologiki aýratynlyklaryny, sosial baglanyşyklaryň hem-de emosional ýagdaýyň görkezijisi bolup biljekdigini görkezýär diýip, vfokuse.mail.ru ýazýar.
