Günorta Koreýanyň Hyundai kompaniýasy gowulandyrylan gibrid gurluşly 2025-nji model ýyly üçin Santa Fe krossoweriniň täze wersiýalaryny hödürledi.
Ýewropa bazarynda bu model iki komplektasiýada elýeter bolar. Olar - Business (55 800 ýewro) we XClass (57 700 ýewro).
IXBT portalynyň habar bermegine görä, täze ulag 160 at güýjüni öndürýän 1,6 litrlik turbo hereketlendirijisini we 98 at güýji bolan elektrik hereketlendirijisini aldy. Jemi kuwwaty 253 at güýjüne ýetýär, sygymy 13,8 kWt•s bolan batareýa 54 km-ä çenli elektrik çekijiligini üpjün edýär.
Adaty enjamlaşdyrylan görnüşi 18 dýuýmlyk tekerleri, LED optikany, goşa zolakly howa gözegçiligini we adaptasiýa kruiz dolandyryşyny öz içine alýar.
XClass-yň ýokarky wersiýasy 20 dýuýmlyk tekerleri, şemalladyjyly oturgyçlary we ýarym awtonom Highway Driving Assist 2.0 kömekçisini hödürleýär. Şeýle hem bu komplektasiýada smartfon arkaly uzakdaky awtoulag duralgasy funksiýasyny öz içine alýar.
Müşderilere Nappa deri bezegi, Bose ses ulgamy we baş ekrany bolan Calligraphy Pack hödürlenýär. Ähli tekerleri hereketlendiriji esasy wersiýa eýýäm girizildi.
