Amerikaly suratkeş Robert Raýmanyň ak suraty Berlinde geçirilen Ketterer Kunst auksionynda 1,4 mln dollara satyldy. Alyjynyň ady äşgär edilmeýär. Auksion öýi materialyň gowşaklygy sebäpli suratyň söwda öýünde saklanjakdygyny aýtdy diýip, Overclockers portaly habar berýär.
General 52” x 52” atly bu surat, aslynda, hiç hili suratsyz çarçuwaly ak kendirdir. Suratyň başlangyç bahasy 1,2 mln dollar boldy, ýöne söwdanyň dowamynda mukdar ýokarlandy.
Bu eser Raýmon tarapyndan 1970-nji ýylda, adatça, metal üçin ulanylýan syrça boýaglarynyň ulanylmagy bilen döredildi. Suratkeş pagta kendirini ulandy, şol sebäpli boýag örän gowşak we näzik boldy welin, ony hatda ellemek ýa-da zeper ýetmek töwekgelçiligi bolmazdan köpçülige çykarmak mümkin däl.
“Material örän duýgur we islendik täsir eseriň gymmatyny peseldip biler” diýip, auksion öýüniň wekili belledi we şu sebäpli onuň auksion öýünde galjakdygyny hem-de alyja iberilmejekdigini sözüniň üstüne goşdy.
Robert Raýman (1930 – 2019) öz karýerasyny jaz pianinoçysy hökmünde başlady we žiwopis bilen Nýu-Ýorkdaky Häzirkizaman sungat muzeýinde gözegçi wagty gyzyklanyp başlady. Onuň döredijiligi minimalizme we abstrakt ekspressionizme degişlidir.
