“Wikimedia” gaznasy 2024-nji ýylda iňlis dilindäki “Wikipediýada” iň meşhur makalalaryň sanawyny hödürledi. Reýtinge ýylyň 11 aýynda iň köp görlen materiallar girdi.
Birinji orny 44,4 mln gezek görlen “2024-nji ýyldaky ölümler” sahypasy eýeledi.
Ikinji orny Demokratik partiýasyndan ABŞ-nyň prezidentligine dalaşgär Kamala Harris baradaky makala aldy. Ulanyjylar onuň bilen 28,9 mln gezek gyzyklandylar. Onuň garşydaşy respublikaçy Donald Tramp saýlawlarda ondan üstün çyksa-da, “Wikipedia” reýtinginde ýeňildi – ol baradaky ensiklopedik makala 25,2 mln gezek okaldy (sanawda bäşinji orun).
Üçlügi ABŞ-daky Prezident saýlawlarynyň özüne bagyşlanan sahypa jemleýär – 27,9 mln gezek görlen.
Şeýle-de, onluga syýasat, medeniýet we sport bilen baglanyşykly mowzuklar goşuldy. Doly sanaw şeýle:
- “2024-nji ýyldaky ölümler” – 44,4 mln gezek görlen;
- Kamala Harris – 28,9 mln gezek;
- ABŞ-daky Prezident saýlawlary (2024) – 27,9 mln gezek;
- Doganlar Menendes – 26,1 mln;
- Donald Tramp – 25,2 mln;
- Futbol boýunça Hindistanyň çempionaty – 24,5 mln;
- Jeý Wens – 23,3 mln;
- “Dedpul we Rosomaha” – 22,3 mln;
- “Taslama 2025” – 19,7 mln;
- Hindistanda parlament saýlawlary (2024) – 18,1 mln.
