2024-nji ýylyň iň köp girdeji gazanan 15 zenan türgeniniň reýtinginde dokuz ýeri tennis wekilleri eýeledi. Sanaw Sportico portaly tarapyndan düzüldi.
Birinji orny 30,4 mln dollar gazanan dünýäniň üçünji raketkasy amerikaly Kori (Koko) Gauff eýeledi. Onuň girdejisiniň esasy bölegini hemaýatkärlik şertnamalary ($21 mln), galan 9,4 mln dollary pul baýraklary emele getirdi.
Üçünji setirde 21,4 mln dollar umumy girdeji bilen polşaly tennisçi Iga Şwýontek ýerleşdi. Hytaýly türgen Çžen Sinwen dördünji ($20,6 mln), belarusly Arina Sobolenko bäşinji orny ($17,7 mln) eýeledi.
Tennisçileriň ilkinji bäşlikde agdyklyk etmegi asly amerikaly hytaýly fristaýlçy 21 ýaşly Eýlin Gunuň goşulmagy bilen “bozuldy”. Onuň girdejisi 22,1 mln dollar boldy, şol bir wagtyň özünde pul baýraklary bary-ýogy 62 müň dollary emele getirýär, galanlary bolsa hemaýatkärlik şertnamalarynyň paýyna düşýär. Ol Pekinde geçirilen 2022-nji ýyldaky gyşky Olimpiýa oýunlarynyň öňüsyrasynda 20-den gowrak brend bilen hyzmatdaşlyk baglanyşdy we InStyle, Marie Claire we Vogue ýaly hytaý neşirleriniň daşynda peýda boldy. Onuň soňky uly şertnamasy Porsche bilen hyzmatdaşlyk boldy.
Şeýle-de, reýtinge golfçylar Nelli Korda, Jino Titikul we Lidiýa Ko, gimnastikaçy Simona Baýlz we basketbolçy Keýtlin Klark girdi.
Umuman, doly sanaw şeýle görnüşde:
- Kori Gauff (ABŞ) — $30,4 mln ($9,4 mln baýrak + $21 mln hemaýatkärlik şertnamalary)
- Eýlin Gu (Hytaý) — $22,1 mln ($62 müň + $22 mln)
- Iga Şwýontek (Polşa) — $21,4 mln ($8,4 mln + $13 mln)
- Çžen Sinwen (Hytaý) — $20,6 mln ($5,6 mln + $15 mln)
- Arina Sobolenko (Belarus) — $17,7 mln ($9,7 mln + $8 mln)
- Naomi Osaka (Ýaponiýa) — $15,9 mln ($870 müň + $15 mln)
- Emma Radukanu (Beýik Britaniýa) — $14,7 mln ($671 müň + 14 mln)
- Nelli Korda (ABŞ) — $11,1 mln ($100 müň + $11 mln)
- Simona Baýlz (ABŞ) – $11,1 mln ($135 müň + $11 mln)
- Keýtlin Klark (ABŞ) — $11,1 mln ($100 müň + $11 mln)
- Žasmin Paolini (Italiýa) — $10 mln ($6,5 mln + $3,5 mln)
- Jino Titikul (Tailand) — $9,1 mln ($7,1 mln + $2 mln)
- Jessika Pegula (ABŞ) — $8,2 mln ($4,2 mln + $4 mln)
- Ýelena Rybakina (Gazagystan) — $7,9 mln ($3,9 mln + $4 mln)
- Lidiýa Ko (Täze Zelandiýa) — $6,7 mln ($3,2 mln + $3,5 mln).
