Kentukki ştatyndan Glenn atly bir adam on ýyl töweregi wagt bäri Lucky For Life lotereýasynda şol bir san kombinasiýasyny ulanyp, ýarym million dollar utdy. Lexington Herald-Lideriň habar bermegine görä, ol azyndan 20 ýylyň dowamynda her ýyl 25 000 dollar möçberindäki pul baýragyny alar.
Glenn 2015-nji ýylyň mart aýynda oýun başlanaly bäri şol bir sanlary ulanyp ýeňiş gazandy. Ýeňiji kombinasiýa bolan 7, 10, 17, 24 we 26 – dan ybarat pul baýragyna gabat gelen san toplumy 9 ýyl 7 aýdan soň utuşa düşdi. Eger ol “şowly topjagazyň” belgisini dogry saýlan bolsa, baş baýragy hem alyp biljekdi. Baýragyň belgisi 13, Glenn bolsa 12-ni saýlapdy.
Bu adam sanlarynyň beýsbol oýunçylarynyň ýubileýi we sany bilen baglanyşyklydygyny düşündirdi. Alan serişdelerini bergilerini üzmek we jaýyny abatlamak üçin ulanmagy meýilleşdirýär.
Ol: “Bu bir bagtyň çüwmegi. Soňky alty aýda stres ýagdaýda gezdim. Ýüz müň dollar maňa aýaga galmaga kömek eder. Bu özüme gelmek üçin gowy şowlulyk "-diýdi.
Lexington Herald-Lider gazetiniň bellemegine görä, her ýyl 25 000 dollar gazanmagyň ähtimallygynyň 1,81 milliondan bir bolandygyny belleýär. Baş baýrak bolsa 30,8 milliondan diňe bir ýagdaýda düşýär.
