Ýaponiýanyň “Toyota” kompaniýasy brendiň taryhynda iň güýçli we çalt öndürilýän sport awtoulagy bolan "Supra A90 Final Edition-i" hödürledi.
Bu model 435 at güýjüne eýe bolan kuwwatly hereketlendiriji bilen enjamlaşdyrylandyr. Sport awtoulagy dört sekuntda 100 kilometr sagat tizligine çenli ýetip biler. Awtoulagyň iň ýokary tizligi sagatda 270 kilometre deňdir.
"Supra A90 Final Edition" häzirki zaman tehniki çözgütlerine esaslanýar. Bulara awtoulagyň rahatlygyny sazlaýan amortizatorlar we onuň süňňündäki uglerod süýüminiň bölekleri hem-de gowulaşan aerodinamika üçin uly ganat degişlidir.
"Supra A90 Final Edition" modeli awtosport hereketleriniň muşdaklary üçin niýetlenendir. Ol ýokary öndürijiligi we häzirki zaman tehnologiýalaryny birleşdirýär. Modeliň çykmagy meşhur “Toyota Supra” seriýasynyň önümçiliginiň tamamlanmagyna gabat gelýär diýip, naked-science.ru ýazýar.
