MachineGames studiýasy tarapyndan işlenip düzülen Indiana Jons hakyndaky täze "Indiana Jones and the Great Circle" oýny Xbox Series konsolynda 131 Gb boş ýeri talap eder. Bu göwrüm birinji günüň patçyny öz içine almaýar.
Žurnalistler we blogerler oýnuň deslapky wersiýasyna eýýäm girip bildiler. Olaryň berjek synlary 6-njy dekabrda irden peýda bolar. Premial neşiriň eýeleri şol gün oýnap başlarlar.
Oýnuň sýužeti birinji we üçünji filmleriň wakalarynyň arasynda ýaýbaňlanýar. Indiana Jons möhüm taryhy ýerleri birleşdirýän hyýaly çyzyk bolan Uly tegelegiň syryny öwrenýär. Işläp düzüjiler hekaýatyň hakyky tapmaça esaslanýandygyny bellediler.
Oýun 2024-nji ýylyň 9-njy dekabrynda Xbox Series we PC üçin çykarylar. PlayStation 5-e niýetlenen wersiýasy 2025-nji ýylyň ýazynda çykar.
