Toyota Ýaponiýada 2025-nji model ýylynyň täzelenen RAV4 krossowerini resmi taýdan hödürledi. Model indi ähli wersiýalarda doly herekete getiriji bilen enjamlaşdyrylýar.
Esasy wersiýa birnäçe kämilleşmelere eýe boldy. Ol “kör zolaklara” gözegçilik ulgamy, awtoulag duralgasynda ýerleşmek üçin kömekçi we gapdal aýnalaryň korpusynda yşyklar bilen üpjün edildi.
Esasydan galan wersiýalar 10,5 dýuým ekranly mediaulgama we kämilleşdirilen nawigasiýa eýe boldy.
Esasy wersiýada 171 at güýjüni berýän 2,0 litrlik benzin hereketlendirijisi gurnaldy. Öz-özünden zarýad alýan gibrid bolsa kuwwaty 218 at güýjüne barabar bolan 2,5 litrlik hereketlendirijini aldy.
Iň ýokary wersiýa 306 at güýjüni berýän 2,5 litrlik hereketlendirijiniň esasynda zarýad berilýän gibrid güýç gurluşy bilen üpjün edildi, onuň arassa elektrikde geçýän menzili 95 km barabar.
Modeliň bahasy 21,4 müň dollardan 37,5 müň dollar aralygynda üýtgeýär.
