Ýaponiýanyň “Toyota Motor” korporasiýasy dokuz aý bäri global önümçiligiň pese gaçandygyny habar berdi. Oktýabr aýynda bu pese gaçma 0,8%-e deň boldy. Şol bir wagtyň özünde, bäş aýyň içinde ilkinji gezek dünýäde satuw 1,4% ýokarlandy. Şeýle-de bolsa, ol ýylyň şu döwründe (ýylyň soňky çärýegi göz öňünde tutulýar) 903,103 awtoulag satyp, rekord görkeziji gazandy diýip, Reuters paýlaşýar.
ABŞ-da howpsuzlyk ýassygy bilen bagly meseleler sebäpli, “Grand Highlander” we “Lexus TX” awtoulaglarynyň önümçiliginde dört aýlyk arakesme boldy, şonuň netijesinde önümçilik 13% pese gaçdy. Önümçilik işi 21-nji oktýabrda gaýtadan başlandy, onuň 2025-nji ýylyň ýanwar aýyna çenli kadaly ýagdaýa gelmegine garaşylýar.
Hytaýda ýerli markalaryň berk bäsdeşligi sebäpli, kompaniýanyň önümçiligi 9% azaldy. Tailandda edil şunuň ýaly, bu marka isleg azalyp, önümiň 13% peselmegine sebäp boldy. Şeýle-de bolsa, Ýaponiýada geçen ýylky näsazlyklaryň dikeldilmegi netijesinde önümçilik 8% ýokarlandy.
“Toyota” esasy bazarlarda ýüze çykýan kynçylyklara garamazdan, önümçiligi durnuklaşdyrmagy we satuwy ösdürmegi maksat edinýär diýip, 32cars.ru ýazýar.
