Donald Trampyň brendi bilen çykarylýan 100 müň dollarlyk sagatlara bolan isleg ýokary däl. Mahabat kampaniýasyna garamazdan, altyn we brilliant bilen bezelen goşar sagatlarynyň hatda ýarysy hem satylmady diýip, Bloomberg ýazýar.
Taslamanyň menejerleri satuwy işjeňleşdirmek üçin marketingi gowulaşdyrmagyň üstünde işleýärler.
Häzirki wagtda sagat öndürijisi Trump tourbillon-yň altyn elementler we brilliantlar bilen bezelen 147 modeliniň bary-ýogy 10%-i satyldy.
“Biz sagatlary ilerletmek üçin täze web-saýtyň we şuňa meňzeş zatlaryň üstünde işleýäris” – diýip, Montrichard kompaniýasy tarapyndan işe gözegçilik etmek üçin işe alnan sagat pudagynda hünärmen Dewid Guten aýdýar.
Lýuks sagatlar sentýabr aýynda tanyşdyrylandan soň ünsi özüne çekdi, ýöne kesgitlenen baha potensial müşderileri çekindirdi.
Belläp geçsek, Tramp onýyllygyň içinde özüniň haryt brendini ygtyýarnamalaşdyrdy. Dürli ýyllarda onuň ady bilen steýkler, suw, krossowka, foto kitaplar, kriptowalýutalar we gitara çykaryldy.
