ABŞ-nyň öňki Prezidenti we häzirki wagtda prezidentlige dalaşgär Donald Tramp "Trump Watch" sagat kolleksiýasyny çykardy. Bu barada Forbes žurnaly ýazýar.
Hatarda 150 töweregi sagat modeli bolup, olaryň bahasy 499 dollardan 100 müň dollara çenli aralykda üýtgeýär.
“Iň gymmat sagat modeli bolan 100 müň dollar bahaly Trump Victory Tourbillon tutuşlaýyn 18 karat altyndan ýasalyp, 122 brilliant bilen bezelendir” – diýip, neşir habar berýär.
Bu sagatlary taýýarlamak üçin sarp edilen altynyň umumy bazar bahasy, takmynan, 17,2 müň dollara barabar. Şol bir wagtyň özünde, sagat saýtynda brilliantlaryň ululygy barada maglumat berilmeýär.
Bellenilişi ýaly, bu kolleksiýa bilen Tramp öz muşdaklary üçin ýadygärlik önümleriniň sanawyny giňeltdi. Bu sanawa krossowkalar, NFT kartoçkalary, kümüş teňňeler hem girýär.
