Hytaý kompaniýasy uly tanyşdyrylyş çäresinde Mate 70 flagman smartfonlaryndan başga-da, Mate X6 eplenýän smartfonlaryny görkezdi.
Smartfonyň şarnirleri has berk we ygtybarly boldy. Korpus IPX8 standarty boýunça goralýar. Korpusyň galyňlygy açylan ýagdaýynda 4,6 mm, ýygnalan ýagdaýda 9,85/9,9 mm. Agramy – 239 g. Dizaýn babatynda üýtgeşme o diýen kän dal – ekran birneme ulaldy, täze reňkler peýda boldy.
Esasy aýratynlyklary:
- Displeý: içerki – 2440 x 2240 piksel durulykda, 120 Gs täzelenme ýygylygy bilen 7,93 dýuým LTPO OLED displeýi, ekranyň iň ýokary ýagtylygy – 1800 nit; daşarky – 6,45 dýuým LTPO OLED displeýi, iň ýokary ýagtylyk – 2500 nit. Ekran Kunlun Glass 2 gorag aýnasy bilen örtülen.
- Prosessor: Huawei Kirin
- Ýat: 12/16 GB operatiw ýat, 256/512/1024 GB hemişelik ýat.
- Kameralar: 50 Mp esasy, 48 Mp periskop, 40 Mp giňburçly obýektiw; 8 Mp + 8 Mp frontal.
- Batareýa: 5110 mAsag/5200 mAsag, simli zarýad beriş 66 Wt, simsiz 50 Wt.
- OS: HarmonyOS 4.3
- Baglanyşyk: USB-C 3.1 Gen 1, Wi-Fi 802. 11a/b/g/n/ac/ax, Bluetooth 5.2, GPS/ AGPS, GALILEO, Beidou/Tiantong hemralary.
- Reňkler: gyzyl, gök, ak, çal we gara.
Huawei Mate X6 iki wersiýada çykaryldy: esasy we “kolleksion”. Soňkusy has berk Kunlun aýnasyna, 16 GB operatiw we 1 TB hemişelik ýada, şeýle-de 5110 mAsag-yň deregine 5200 mA/sag batareýa we has ösen hemra aragatnaşyk goldawyna eýe boldy.
Bahalar:
- ·12+256 GB – 12 999 ýuan ($1800)
- ·12+512 GB – 13 999 ýuan ($1940)
- ·Collector’s Edition 16+512 GB – 14 999 ýuan ($2075)
- ·Collector’s Edition 16+1024 GB – 15 999 ýuan ($2200)
Hytaýda satuwlar 6-njy dekabrda başlar.
