Amerikaly aýdymçy Lana Del Reý karýerasyndaky onunjy albomynyň çykjakdygyny habar berdi. Onuň aýtmagyna görä, "The Right Person Will Stay" atly plastinkasy 2025-nji ýylyň 21-nji maýynda peýda bolar.
Albom kantri aýdym-sazynyň ruhunda ýazylar. Ýazgyda aýdymçynyň köpden bäri bile işleşýän kärdeşi Jek Antonoff, şeýle hem kantri-sazanda Lýuk Lerd çykyş eder.
Albomyň esasy aýdymy “Genri” kompozisiýasy bolar. Relizde jemi 13 trek bolar.
Aýdymçy ozal albomy “Lasso” diýip atlandyrmagy meýilleşdirýändigini aýdypdy. Mundan başga-da, ony 2024-nji ýylyň ahyryna çenli çykarjakdy, ýöne soň “güýç toplamak üçin dynç almagy” karar etdi. Del Reý takyk nämädigini bilmese-de, garaşmalydygyny duýýandygyny aýtdy.
Lana Del Reý ýakyn wagtda çykjak albomyny goldamak üçin çykyşly gezelenjini yglan etdi. Ol 23-nji iýunda Kardiffden başlanar. Häzirlikçe diňe bäş konsert geçirmek meýilleşdirilýär.
