V12 hereketlendirijisi bolan seýrek "Mersedes-Benz G-Class" awtoulagy Dubaýdaky RM Sotheby's auksionynda satuwa çykarylýar. Bu awtoulag 2002-nji ýylda ýörite BAE-niň hökümdarlarynyň maşgala agzalarynyň biri üçin döredildi diýip, Carbuzz habar berýär.
Mundan başga-da, habarda bellenilişi ýaly, “Öň G63 V12-niň barlygy gizlin saklanylýan syrdy. Şonuň üçin-de nemes markasy AMG-niň müşderi maglumatlar bazasyndan peýdalanyp, esasy alyjylaryny saýlady we olary bu awtoulagy satyn almak üçin çagyrdy diýlip hasaplanylýar".
Mersedes-Benz G63 AMG-niň yzygiderli görnüşleri V8 hereketlendirijileri bilen enjamlaşdyryldy. Şeýle-de bolsa bu görnüş 440 at güýji bolan V12 hereketlendirijisine eýedir.
Iki onýyllygyň dowamynda bu awtoulag resmi dabaralarda ulanyldy we 44,5 müň kilometr ýoly geçdi diýip, gazeta.ru ýazýar.
Hünärmenler awtoulagyň bahasyny 350–400 müň dollar diýip çaklaýarlar.
