Türkmenistanyň Beýik Saparmyrat Türkmenbaşy adyndaky Şekillendiriş sungaty muzeýinde gadymy Ulugdepe şäherçesi diýlip tanalýan «Uly depe» sergisi açyldy. Sergi muzeýde hemişelik orun tutdy diýip, "Türkmenistan: Altyn asyr" elektron neşiri habar berýär.
Sergi Türkmen-fransuz arheologiýa ekspedisiýasynyň (MAFTUR) 30 ýyllygyna bagyşlanyp açyldy.
Gadymy Ulugdepe şäherçesi Ahal welaýatynyň Kaka etrabynyň Duşak obasyndan 4 km günortada ýerleşýär.
Ulugdepe özboluşly arheologiki ýadygärlik bolup, onda Türkmenistanyň 5 müň ýyldan gowrak taryhyny görkezýän stratigrafiýa ýüze çykaryldy. Bu ýerde adam ýaşan gatlaklar has belende çykýar we giň meýdany öz içine alýar, bu bolsa Ulugdepäni Merkezi Aziýada we dünýäde bir sebitde şeýle uzak medeni möhletli seýrek duş gelýän ýerleriň birine öwürýär.
Gymmatly tapyndylar ilatyň göçüp-gonmagynyň netijelerini we uzak wagtlap dowam eden gadymy adamzat jemgyýetleriniň ösüşini görkezýär.
Antropomorf heýkeljikler, öý goşlary we guburlardan tapylan 230-dan gowrak maddy gymmatlyklaryň hemişelik sergisiniň açylmagy «Bouygues Turkmen» kompaniýasynyň goldawy bilen mümkin boldy.
*Fotosuratlar Hasan Magadowyňky.
