“Inter Maýaminiň” we Argentinanyň milli ýygyndysynyň 37 ýaşly kapitany Lionel Messi öz welosiped modeli bilen welosport bazaryna çykmagy meýilleşdirýär. Relevo neşiriniň maglumatlaryna görä, sportuň bu görnüşi bilen gyzyklanýan argentinaly futbolçy premium derejesinde bu ulag serişdesini işläp taýýarlamak üçin tanymal welosiped ýaryşyna gatnaşyjy bilen hyzmatdaşlyga başlady.
Geljekki model müşderileriň isleglerine görä sazlanar. Welosiped eksklýuziw önümlere isleg bildirýän müşderilere niýetlenýär we onuň bazarda iň gowy nusgalar bilen bäsdeşlik etmegine garaşylýar.
Önümiň bahasy 10 – 15 müň ýewro bolar. Satuw 2025-nji ýylda başlap biler, ýöne takyk sene heniz belli däl.
“Inter Maýaminiň” kapitany üçin bu diňe bir işewürlik taslamasy däl-de, eýsem sporta bolan hyjuwyny telekeçilik bilen utgaşdyrmak üçin mümkinçilikdir.
