Toyota kompaniýasynyň baş direktory Akio Toýoda 2006-njy ýylda önümçiligi togtadylan meşhur sport awtoulagy Celica-nyň bazara gaýdyp geljekdigini habar berdi. Bu barada ol Best Car neşirine gürrüň berdi.
Celica-nyň gaýtadan bazara çykaryljakdygy baradaky gürrüňler bir ýyldan gowrak wagt bäri dowam edýärdi. 2023-nji ýylyň oktýabrynda Toýoda, kompaniýanyň modeliň täzeden çykarylmagyny isleýän muşdaklaryndan köp sanly haýyşlary alýandygyny belläpdi. Soňra Toyota-nyň prezidenti Sunedzi Sato hem bu başlangyja goldaw bildirdi.
Celica 1970-2006-nji ýyllar aralygynda çykaryldy, bu döwrüň dowamynda model birnäçe gezek täzelenip, Toyota-nyň sport awtoulaglarynyň arasynda iň meşhurlarynyň birine öwrüldi.
Celica modeli markanyň ösüşinde hem möhüm rol oýnady: onuň esasynda Supra modeli döredildi. Häzirki wagtda bu model kompaniýanyň öňdebryjy sport awtoulagy hasaplanýar.
