15 ýyl işläp düzmeden we ençeme gezek yza süýşürmeden soň S.T.A.L.K.E.R. 2: Heart of Chornobyl oýnunyň relizi boldy.
Oýun PC (Steam, GOG, Epic Games Store, Microsoft Store), Xbox Series X ǀ S platformalarynda we Game Pass ýazylyşygynda elýeterli boldy. Oýny işläp düzüji GSC Game World studiýasy relizden soň iki günde şuteriň satuwynyň 1 mln nusgadan geçendigini habar berdi.
Reliz geýmpleý treýleri bilen utgaşdy. Oýun 60 inedördül kilometr meýdanly açyk dünýäni, hardkor geýmpleýi, 40 sagatlyk köpugurly sýužeti, azyndan üç finaly, Unreal Engine 5 grafikasyny we rus diline tekst terjimesini hödürleýär.
Oýnuň wakalary “Pripýatyň çagyryşyndan” 10 ýyl soň ýaýbaňlanýar. Oýunçy esasy syryny gözlemek üçin Zonany öwrenýän stalker Skifi dolandyrýar.
Oýun 60 dollar başlangyç baha bilen üç wersiýada elýeterli. Adaty wersiýa diňe oýun girýär. Goşmaça 20 dollar tölemek bilen bonus ýaragyny we kostýumlary, goşmaça wezipeleri, artbuk we saundtrek almak bolýar. 110 dollarlyk wersiýa, görkezilenlerden başga-da, iki sýužet goşmaçasy üçin möwsümleýin abonement berer.
Işläp düzüjiler yzygiderli täzelenmäni, şol sanda dekabr aýynda has giňişleýin yglan ediljek mugt kontenti anons etdiler. Topar seslenmeleri yzarlamagy we näsazlyklary çalt düzedip, patçileri çykarmagy wada berýär.
