ABŞ-nyň saýlanan Prezidenti Donald Tramp “Amerikany ýene beýik edeliň” (Make America Great Again) şygary we ak kelleli bürgüdiň (Haliaéetus leucocéphalus) şekili bilen täze gitaralary hödürledi diýip, New York Post habar berýär.
“Tiz wagtdan satuwda! “45” gitaralarynyň çäkli tapgyry. Bary-ýogy 1,3 müň nusga akustiki gitara we elektrogitara – olaryň käbirine hut özüm tarapyndan gol goýuldy!” – diýip, syýasatçy Truth Social sosial ulgamyndaky sahypasynda ýazdy.
“Bu ajaýyp gitaralar onuň sapynda ak reňk bilen grawirlenen “Amerikany ýene beýik edeliň” jümlesi we sapyň başynda Donald Trampyň Prezident wezipesinde [öňki] prezidentlik möhletini aňladýan 45 belgisi bilen bezelen” – diýlip, aýdym-saz guralyny sargyt etmek üçin niýetlenen Trump Guitars saýtynda aýdylýar.
Gitaranyň korpusynda şekillendirilen ak kelleli bürgüt 1782-nji ýylyň 20-nji iýunyndan bäri resmi taýdan ABŞ-nyň milli nyşany hasaplanylýar. Guş hatda ýurduň döwlet tugrasynda – Beýik möhürde-de şekillendirilen.
Gitaralaryň bahasy 1 müň – 1,5 müň dollar aralygynda üýtgeýär, awtografly modeller bolsa 10 – 10,5 müň dollar aralygynda satylýar. Alyjylara 5-6 aýyň dowamynda eltip bermek wada berilýär. Şeýle-de, guralyň “Roždestwo çenli” gowşurylmagy-da mümkindir.
