2024-nji ýylyň oktýabr aýynyň jemi boýunça bütin dünýäde ýeňil we ýeňil täjirçilik awtoulaglarynyň satuwy 7 932 657 birlige ýetdi, bu bolsa bir ýyl ozalkydan 5,7% köpdür. 10 aýda dünýä bazarynyň möçberi 71 736 401 birlik (+1,1%) boldy. Şeýle maglumatlary GlobalData konsalting kompaniýasy getirýär.
“Awtostat” seljeriş agentliginiň hünärmenleriniň habar bermegine görä, dünýäniň awtomobil bazary soňky bäş aýda ilkinji gezek oňyn ösüşi görkezdi. Soňky gezek ösüş maý aýynda hasaba alnypdy, iýun – sentýabr aýlarynda bolsa bazar diňe pese gaçdy.
Güýzüň ikinji aýynda awtomobil satuwy boýunça öňdebaryjy Hytaý boldy, bu ýerde 2 484 474 awtomobil satyldy. Bu 2023-nji ýylyň oktýabr aýyndaky görkezijiden 5,1% köpdür.
ABŞ-da 1 343 919 awtomobil satyldy, bu bir ýyl ozalkydan 11,5% köp.
Oktýabr aýynda Günbatar Ýewropa ýurtlarynda ykdysady meseleleriň satuwa täsiri sebäpli, awtomobil satuwy 0,1% azalyp, 1 078 227 birlik boldy. Şol bir wagtyň özünde Gündogar Ýewropa ýurtlarynda awtomobil satuwy 18% ýokarlanyp, 425 805 birlik boldy.
Günorta Amerikada bir aýda 290 853 awtomobil satyldy, bu geçen ýylyň oktýabr aýy bilen deňeşdirilende, 18% köpdür.
Dünýäniň iň uly awtomobil bazarlarynyň hatarynda Ýaponiýany (398 769 awtomobil, +0,7%), Kanadany (159 000 birlik, +15,1%) we Günorta Koreýany (143 272 birlik, +3,2%) hem bellemek gerek.
