Google ABŞ-da dürli kategoriýalarda şu ýylyň iň öňdebaryjy programmalaryna, oýunlaryna we kitaplaryna berilýän 2024-nji ýylyň Google Play’s Best baýragynyň ýeňijilerini yglan etdi.
Kompaniýa 2024-nji ýylda Google Play-iň ýönekeý bir programmalar dükanyndan has ýokary zat bolandygyny belledi. Işläp düzüjileri goldamak maksady bilen, kompaniýa “elýeterliligi ýokarlandyrdy, oýun mümkinçiliklerini giňeltdi, awtorlar üçin baýraklary ýokarlandyrdy we mazmunyň öz wagtynda ýetirilmegini üpjün etdi”. Google işläp düzüjileriň we çykaryjylaryň adamlara nirede bolsa-da, islendik gurluşda täze programmalary, oýunlary we kitaplary tapmaga kömek etmegi dowam etdirmegine umyt bildirdi.
Şeýlelikde, 2024-nji ýylyň iň gowy programmasy çäreleri meýilleşdirmek üçin Partiful platformasy boldy. Ol düşnükli dizaýny we çakylyklary döretmäge täze çemeleşmesiniň netijesinde iň gowy programma diýlip ykrar edildi. Programmanyň içindäki Party Genie guraly çakylyklary çalt taýýarlamaga kömek edýär we potensial myhmanlara ýönekeý salgylanmanyň kömegi bilen özüniň gatnaşýandygyny tassyklamagyň çalt usulyny hödürleýär.
AFK Journey rol oýny personažlaryň giň sanawy we gyzykly taktiki söweş ulgamy netijesinde Google Play-de 2024-nji ýylyň iň gowy oýny boldy.
Iň gowy multiplatfoma programmasy hökmünde Max ykrar edildi. Ol teleşoularyň, filmleriň we asyl mazmunyň giň kitaphanasy hem-de köp gurluşlarda tomaşany dowam etdirmek mümkinçiligi bilen tapawutlandy. Programma ulanyjynyň ýerleşýän ýerine we ulanýan gurluşyna garamazdan, tomaşanyň ýokary derejede amatlylygyny üpjün edýär.
Clash of Clans iň gowy multiplatforma oýny nominasiýasynda ýeňiji boldy. Oýnuň eýýäm on ýyldan gowrak wagt bäri bardygyna garamazdan, şu ýyl onuň meşhurlygy PK-da we Chromebook-da ösdürilmegi netijesinde artdy.
Beýleki nominasiýalarda ýeňijiler şulardan ybarat:
- ·“Güýmenje üçin iň gowusy”: Mila by Camilla Lorentzen;
- ·“Şahsy ösüş üçin iň gowusy”: UpStudy – Camera Math Solver;
- ·“Her gün üçin iň gowusy”: MacroFactor – Macro Tracker;
- ·“Iň gowy gizlin hazyna”: Timeleft;
- ·“Sagatlar üçin iň gowusy”: Baby Daybook – Newborn Tracker;
- ·“Uly ekranlar üçin iň gowusy”: Infinite Painter;
- ·“Google TV üçin iň gowusy”: Peacock TV: Stream TV & Movies;
- ·“Awtomobil üçin iň gowusy”: PBS KIDS Video.
2024-nji ýylyň iň gowy oýunlarynyň hatarynda “Squad Busters”, “Eggy Party”, “Yes, Your Grace”, “Tab Time World” we beýlekiler bar.
Ýeňijileriň doly sanawy Google Play-de “2024-nji ýylda iň gowusy” sahypasynda elýeterlidir.
