Noýabr aýynda Ford kompaniýasy ABŞ-da howpsuzlyk bilen baglanyşykly näsazlyklar sebäpli ulaglaryny dört gezek yzyna çagyrmaly boldy. Şol bir wagtyň özünde Milli ýol hereketiniň howpsuzlygy dolandyryş gullugy (NHTSA) awtoulag öndürijisiniň önümleriniň ygtybarlylygy baradaky şikaýatlar boýunça iki täze derňew işine başlady diýip, tarantas.news habar berýär.
16-njy noýabrda Ford 30 000-den gowrak ulagyň yzyna çagyrylýandygy barada habarnamalary iberdi.
Birinji yzyna çagyryş 65 sany Ford Ranger 2023 ulagyna degişli. Ulaglarda ýangyç geçiriji bilen berkidiji elementiň arasynda ýeterlik deşigiň ýokdugy anyklandy, bu bolsa ýangyjyň syzmagyna we ýangynyň döremegine sebäp bolup biler.
Ikinji ýagdaý 2 418 sany F-150 (2023-2024-nji ýyllarda öndürilen), Expedition (2023-nji ýylda öndürilen) we Lincoln Navigator (2023-nji ýylda öndürilen) ulaglaryna degişli. Bu modellerde hereketlendirijiniň gapaklarynyň nädogry gurnalandygy, ýag syzdyrmak we ýangyn howpuny döredýändigi anyklandy.
Üçünji çagyryş 27 678 awtoulagda howpsuzlyk ýassygynyň işleýşini duýdurýan hökmany stikerleriň ýoklugy bilen baglanyşykly yglan edildi.
Dördünji kemçilik 15 sany Ford Escape (2023-2024-nji ýyllarda öndürilen) awtoulagynda tapyldy: gurallaryň paneliniň näsazlygy ýolagçynyň howpsuzlyk ýassygynyň işleýşine päsgel berip biler.
Yzyna çagyryşlardan başga-da, NHTSA iki sany täze derňew işini açdy. Birinjisi, Ford Expedition-a degişli, onda howpsuzlyk kemerini çekijileriň kemçiligi sebäpli olaryň tötänden işläp başlamagy mümkin. Ikinjisi - programma üpjünçiligi täzelenenden soň, Bronco Sport-daky we Maverick-däki batareýalar bilen baglanyşykly çözülmedik meseleler.
Ford ýüze çykarylan ähli näsazlyklary aradan aýyrmagyň üstünde işleýändigini aýtdy. NHTSA ýagdaýlaryň her biri barada maglumat ýygnamagyny dowam etdirýär.
