Oppo dünýä bazarynda Garri Potter tematikasyna bagyşlanan täze Oppo Reno 12F Harry Potter Special Edition smartfonyny hödürledi. Ol eýýäm Peruwyň bazarynda ýerli aragatnaşyk operatorynyň üsti bilen satyn almak üçin elýeterlidir.
Smartfon toplumyna jadygöý oglanjyk baradaky wakanyň tematikasynda aksessuarlar girýär. Gurluşyň gutusy jadylar kitaby görnüşinde ýerine ýetirildi. Onuň içinde jadyly taýajyk görnüşinde stilus, gorag daşlygy, “Golden Snitch” brelogy, “Ölüm peşgeşleri” şekilindäki SIM-karty çykarmak üçin guraljyk we Hogwartsa kabul edilendigi barada hat bar. Mundan başga-da, telefonyň arka tarapynda jadygöýlik mekdebiniň nyşany şekillendirilen.
Tehniki aýratynlyklar barada aýdylanda, smartfon asyl modeliň kuwwatyny saklady. Ol MediaTek Dimensity 6300 prosessory, 12 GB operatiw ýat we 2 TB çenli giňeldilip bilinjek 256 GB içerki ýat bilen üpjün edildi. Telefon 50 Mp esasy, 32 Mp frontal kamera, şeýle-de 6,67 dýuým Full HD displeýine eýe boldy.
5000 mA/sag akkumulýator 45 Wt çalt zarýad berşi goldaýar.
Oppo Reno 12F Harry Potter Special Edition smartfonynyň bahasy 420 dollar.
