Samsung kompaniýasy 2024-nji ýylyň üçünji çärýeginde çeýe eplenýän smartfonlaryň global bazarynda ýene-de birinji orny eýeledi. IDC-niň hasabatyna görä, koreýaly tehnoägirdiň paýy ikinji çärýekdäki 16,4% bilen deňeşdirilende, 51,2%-e çenli ýokarlandy.
Ikinji orunda 15,1% paý bilen Motorola (brend Lenovo kompaniýasyna degişli) ýerleşdi, Huawei bolsa 13,2% paý bilen üçünji orna düşdi. Honor we Xiaomi kompaniýalary, degişlilikde, 7,6% we 6,3% paýa eýe boldular. Beýleki öndürijileriň umumylykda paýy 6,6% boldy.
Hünärmenler Samsung-yň üstünligini Galaxy Z Fold 6 we Galaxy Z Flip 6 modelleriniň çykmagy bilen baglanyşdyrýarlar. Bu gurluşlar esasy bazarlarda oňyn seslenme aldy we bu kompaniýa bäsdeşlerden aratapawudy ynamly artdyrmaga mümkinçilik berdi.
Belläp geçsek, ýylyň başynda bu reýtingde birinji orny Huawei eýeleýärdi, ýöne bazar ýagdaýynyň üýtgemegi Samsung-yň peýdasyna boldy. Täzelenen modelleriň çykmagy we netijeli marketing strategiýasy kompaniýanyň çeýe gurluşlaryň segmentindäki ornuny berkitdi.
