Oýun pudagynda iň esasy baýrak bolan “The Game Awards-yň” guramaçylary dürli kategoriýalarda 2024-nji ýylyň dalaşgärleriniň ählisini yglan etdiler.
Baş baýrak we “Ýylyň oýny” ady üçin birbada alty taslama bäsleşer:
- ·Astro Bot ekşeni;
- ·Balatro kart rogaligi;
- ·Hytaý mifologiýasy boýunça Black Myth: Wukong ekşeni;
- ·Elden Ring üçin Shadow of the Erdtree;
- ·Final Fantasy 7: Rebirth rol oýny;
- ·Metapahor: ReFantazio rol oýny.
“Iň gowy sosial ähmiýetli oýun” nominasiýasynda baýraga dalaş edýär:
- ·Hellblade 2
- ·Neva
- ·Indika
- ·Closer the Distance
- ·Tales of Kenzera
- ·Life is Strange: Double Exposure
“Iň gowy mobil oýny”:
- ·AFK Journey
- ·Balatro
- ·Pokemon trading card game pocket
- ·Wuthering Waves
- ·Zenless Zone Zero
29 kategoriýa boýunça dalaşgärleriň sanawy bilen “Çempionat” portalynda tanşyp bilersiňiz.
Iň köp nominasiýa alan oýun Astro Bot we Final Fantasy 7: Rebirth boldy – her biri ýedi nominasiýa. Olaryň yzyndan Metaphor: ReFantazio (alty nominasiýa) we Silent Hill 2 bilen Balatro gelýär (bäş nominasiýa).
Dalaşgärler yglan edilenden soň guramaçylar ulanyjylar üçin ses bermek mümkinçiligini açdylar. Islendik adam Google ýa-da sosial ulgamlar arkaly özleriniň gowy görýän oýunlaryna ses berip bilerler. Görnüşi ýaly, ýeňijiler ulanyjylaryň seslerini emin agzalarynyň pikiri bilen birleşdirmegiň netijesinde kesgitlener – ýeňijileri kesgitlemegiň takyk ulgamy aýdyňlaşdyrylmaýar.
2-nji dekabrda “Oýunçylaryň sesi” bölüminde hem ses berişlik açylar we bu ýerde diňe geýmerleriň garaýşy boýunça 2024-nji ýylyň iň gowy oýny saýlanar.
The Game Awards 2024 baýragynyň ýubileý onunjy gowşurylyş dabarasy 13-nji dekabr gijesi Los-Anjelesde geçiriler.
Geçen ýyl “Ýylyň oýny” baýragyny Baldur’s Gate 3 aldy.
