Londondaky Peter May sport merkezinde Mýunheniň “Bawariýasynyň” we Angliýanyň milli futbol ýygyndysynyň hüjümçisi Harri Keýniň heýkeli oturdyldy. Bu barada ESPN habar berýär.
31 ýaşly hüjümçi hem öz hormatyna heýkeliň açylyş dabarasyna gatnaşdy. Heýkel futbolçynyň alty ýaşly oglanjyk wagty oýnan klubunyň ýerleşýän ýerinde oturdyldy.
Keýn öz heýkeliniň suratyny sosial ulgamlarda ýerleşdirdi.
“Bu buýsançly pursat boldy” diýip, hüjümçi belledi.
Çeşmäniň maglumatlaryna görä, Angliýanyň milli ýygyndysynyň kapitanynyň heýkeli 2020-nji ýylda tamamlandy we onuň üçin 7,2 müň funt sterling sarp edildi. Ol Londonyň Uoltemstou sebitiniň merkezinde oturdylmazyndan öň, bäş ýyllap ammarda saklandy.
Keýn Angliýanyň milli ýygyndysynyň taryhynda iň gowy bombardir hasaplanýar (103 oýunda 69 gol). Ol milli toparyň düzüminde iki gezek Ýewropa çempionatynyň kümüş baýragynyň eýesi boldy. 2011-2023-nji ýyllarda Londonyň “Tottenhem Hotspur” klubunda çykyş edip, klubuň taryhynda 435 oýunda rekord 280 gol geçirdi.
