Hyundai Elantra N sedanynyň TCR Edition atly ýörite görnüşini hödürledi. Modeliň 2024-nji ýylyň dekabrynda Günorta Koreýada, 2025-nji ýylda bolsa dünýä satuwyna çykarylmagyna garaşylýar diýip, Speedme ýazýar.
Bu model Touring Car Racing (TCR) ýaryş wersiýasynyň aýratynlyklarynyň göz öňünde tutulmagy bilen döredildi. TCR Edition gysyş güýjüni gowulandyrmak üçin karbon Swan Neck ganatyny, 19 dýuýmlyk teker disklerini we dört porşenli N Performance tormozlaryny alar. Koreýada bu modeliň ýörite TCR Edition stikerleri bolar.
Awtoulagyň salonynda gök Hyundai Performance nagyşly we alkantra bezegli sport ruly, şeýle hem TCR Edition logotipleri bolan howpsuzlyk kemerleri bar.
Sedan 276 at güýjüni öndürýän 2.0 litrlik turbo hereketlendiriji bilen enjamlaşdyrylandyr. N Grin Shift funksiýasy işjeňleşdirilende, ulagyň kuwwaty 286 at güýjüne çenli ýokarlanar.
