Argentinanyň milli ýygyndysy Germaniýanyň adidas sport brendi bilen hyzmatdaşlygyň 50 ýyllygy mynasybetli ýörite eşik toplumyny hödürledi.
“Ilkinji hyzmatdaşlygyň 50 ýyllygyny baýram etmegiň çäklerinde adidas we Argentinanyň futbol assosiasiýasy Argentinanyň milli toparynyň ýörite eşik toplumyny hödürleýärler.
“50 ýyl – kalpda we deride” şygary bilen köýnekçe 1974-nji ýylyň dünýä çempionatyna gatnaşmak üçin çykarylan Argentinanyň milli ýygyndysynyň adidas-dan ilkinji maýkasynyň dizaýny bilen ruhlandy” – diýlip, argentinalylaryň metbugat gullugynyň resmi saýtdaky beýanynda aýdylýar.
Şeýle-de, milli ýygyndynyň bu ýörite eşik toplumyny DÇ-2026 üçin saýlama ýaryşynyň çäklerinde 20-nji noýabrda Peru bilen oýunda ulanjakdygy habar berilýär. Soňky oýunlarda we 2025-nji ýylyň dowamynda topar geçen ýylyň mart aýynda çykarylan toplumy geýmegi dowam etdirer.
