Volkswagen kompaniýasy Hytaýyň Guançžou şäherindäki Halkara awtosalonda özüniň meşhur Touareg, Tharu XR, Teramont we Golf GTI modelleriniň täze wersiýalaryny görkezdi.
Täzelenen krossower Volkswagen Touareg 265 we 340 at güýjüni berýän 2,0 we 3,0 litrlik hereketlendirijiler bilen hödürlendi. Ol 4Motion doly herekete getiriji ulgamy, 8 basgançakly hereket geçiriji guty we R-Line bukjasy bilen üpjün edildi.
Volkswagen Tharu XR 1,5 litrlik iki görnüşli hereketlendiriji: içinden ýandyrylýan (110 at güýji) we turbo (160 at güýji) bilen enjamlaşdyrylan ykjam krossower. Birinji hereketlendiriji klassyky 6 basgançakly awtomat, ikinjisi 7 basgançakly “robot” bilen utgaşýar. Herekete getiriji – öňdäki. Göwrüm – 4355x1762x1605 mm. Tigir bazasy – 2651 mm.
Volkswagen Teramont krossoweri kuwwaty 299 at güýji bolan 2,5 litrlik hereketlendirijili wersiýa eýe boldy. Şeýle-de, 186 we 220 at güýjündäki 2,0 litrlik turbo motorlary bilen modifikasiýalar elýeterlidir. Esasy görnüş mehaniki hereket gutusy we öňdäki hereketlendiriji, galan görnüşleri bolsa 7 basgançakly robot we doly herekete getiriji bilen üpjün edilýär.
Volkswagen Golf GTI – bu ýokary öndürijilikli hetçbek. 300 at güýjüni berýän hereketlendiriji bilen hödürlendi. 5,6 sekuntda tizligini 100 km/sag çenli artdyrýar. Iň ýokary tizlik sagatda 250 km bilen çäklenýär. Herekete getiriji – öňdäki.
Awtosalonda kompaniýanyň başga-da birnäçe täze awtomobili hödürlendi.
