Unicode Consortium guramasy 164 sany täze emoji bilen smaýlik kolleksiýasynyň üstüni ýetirdi. Ýöne şolardan dokuz sanysynyň öňki toplumlarda hiç hili meňzeşi ýok. Gurluşlarda we programmalarda Emoji 17.0 toplumy bir ýa-da iki ýylyň içinde peýda bolar.
Düýbünden täze smaýlikleriň hataryna şu aşakdakylar girdi:
- “çişip üýtgän ýüz” (distorted face) – birneme çişen, dartgynly personaž;
- “uruş buludy” (fight cloud) – multfilmlerde we komikslerde urşy aňladýan ýyldyzjyklar bilen tozan.
- balerina – bedeniň bäş sany goşmaça reňki bilen elýeterli bolar;
- gemrilen alma;
- kosatka;
- “tüýlek jandar” – bigfut ýa-da “gar adam”;
- trombon;
- § dagdan daşlaryň gaýtmagy”
- § hazynaly sandyk.
Galan smaýlikler öňki bar bolanlaryň üýtgän görnüşleri bolup, bedeniň täze reňkleri bilen eskizler goşuldy. Ulanyjylara iki personažly smaýlikler üçin bedeniň birmeňzeş we dürli reňkli wariantlary hem elýeterli bolar. Unicode Consortium hödürlenen eskizler boýunça geňeşmeleri dowam etdirer, Unicode 17.0 we Emoji 17.0 toplumlary diňe 2025-nji ýylyň sentýabr aýynda gutarnykly görnüşde tassyklanar.
