Agyr agramda (120 kg çenli) UFC-niň öňki çempiony amerika-horwatiýaly Stipe Mioçiç agyr agramda UFC-niň titulynyň häzirki eýesi Jon Jons bilen söweşde ýeňlenden soň, professional karýerasyny tamamlaýandygyny mälim etdi.
Bu söweşde Jons üçünji raundda tehniki nokaut bilen ýeňdi. Stipe üçin bu ýeňliş yzygider ikinji boldy. Ol soňky gezek 2021-nji ýylda UFC 260-da Frensis Ngannudan ýeňlipdi.zZZ
Mioçiç professional karýerasyna 2010-njy ýylda başlady. Ol UFC-niň çempion guşagyna ilkinji gezek 2016-njy ýylyň 15-nji maýynda UFC 198 ýaryşynda eýe boldy. Şonda braziliýaly Fabrisio Werdumy nokauta düşürip, agyr agramda liganyň täze çempiony boldy. Ol UFC-de Daniel Kormýe (iki gezek), Frensis Ngannu ýaly belli söweşijileri ýeňdi.
Şol bir wagtyň özünde, bu söweşden soň karýerasyny tamamlamagy meýilleşdiren Jons, tersine, gitmek islemeýändigini aýtdy.
