Honda kompaniýasy taryhynda iň oňat ulag diýip atlandyran Passport wnedorožniginiň dördünji neslini yglan etdi. Kompaniýa täzelenen awtoulagyň tehniki häsiýetnamasyny, konfigurasiýalaryny we aýratynlyklaryny aýan etdi diýip, Top Gear habar berýär.
2026-njy ýylyň Passport-y 285 at güýjüni öndürýän, öňki wersiýasyndan 5 at güýji köp, 3,5 litrlik V6 hereketlendirijisi bilen enjamlaşdyrylan. Täze 10 tizlikli awtomatiki geçiriş bu model üçin ýörite uýgunlaşdyryldy. Tork wektorly i-VTM4 ähli tigri hereketli ulgam standart hökmünde girizildi.
Awtoulagyň podweskasy gowulaşdy. Süýlüp ýasalan polat ryçaglar we guýma demir kulaklar ulanylýar hem-de öňdäki MacPherson stoýkalary we köp ryçagly arka gurluşy täzeden dizaýn edildi. Öňki tormozlar 13,8 dýuýma çenli ýokarlandyryldy. Wnedorožnik 2250 kg-a çenli ýüki çekmäge ukyply.
Honda üç sany bezeg derejesini hödürlär: RTL, TrailSport we TrailSport Elite.
RTL wersiýasy gara radiator gözenegini, kümüşsöw bezegi we 18 dýuýmlyk ýalpyldawuk tigirleri aldy. TrailSport-da we TrailSport Elite -de ýantar LED yşyk çyralary, gara bezeg we General Grabber -iň 18 dýuýmlyk wezdehod şinalary bar.
Ulagyň dizaýny güýçlendirildi: tigir bazasy, koleýasynyň ini we ýerden beýikligi ulaldy.
Interýeri Google, Android Auto we Apple CarPlay goldawly 10,2 dýuýmlyk gural paneli we 12,4 dýuýmlyk merkezi displeý alýar. Yzky ýolagçylar üçin ýer 30 mm artdyryldy.
Awtoulagyň başlangyç bahasy 40 000 dollardan geçýär, ýöne takyk jikme-jiklikleri entek yglan edilmedi.
