"Globe Soccer Awards 2024" baýragynda iň oňat tälimçi diýen ugur boýunça dokuz tälimçi bäsleşýär. Olaryň bäşisi Ispaniýadan.
“Ballon d'Or" baýragyndan tapawutlylykda, “Globe Soccer Awards-yň" ýeňijileri web sahypasynda ses bermek arkaly kesgitlenýär. Baýrak gowşurylyş dabarasy Ýewropa klublary we futbol agentlikleri birleşigi tarapyndan gurnalýar.
Oňa dalaşgär tälimçileriň doly sanawy şu aşakdakylardyr:
- Habi Alonso ("Baýer")
- Karlo Ançelotti ("Real Madrid")
- Mikel Arteta ("Arsenal")
- Luis Enrike ("PSŽ")
- Luis de la Fuente (Ispaniýanyň milli ýygyndysy)
- Jan Pero Gasperini ("Atalanta")
- Hosep Gwardiola ("Mançester Siti")
- Simone Indzagi ("Inter")
- Lionel Skaloni (Argentinanyň milli ýygyndysy).
Geçen ýyl bu ugur boýunça Hosep Gwardiola iň gowy tälimçi diýlip ykrar edildi.
Mundan başga-da, bu baýraklaryň arasynda ýylyň iň gowy kluby diýen ugur boýunça dalaşgärler yglan edildi. Bu ugurda baýrak almak üçin aşakdaky toparlar bäsleşýärler:
- "Al-Ahli"
- "Al-Aýn"
- "Atalanta"
- "Atletiko Mineiro"
- "Baýer"
- "Botafogo"
- "Inter"
- "Mançester Siti"
- "Olimpiakos"
- "PSŽ"
- "Real"
- "Sporting"
Bu ugurda ýeňiji ähli ýagdaýlaryň utgaşmasy bilen kesgitlenýär. Meýdançadaky netijelere goşmaça, futbola degişli däl dürli üstünlikler, mysal üçin, haýyr-sahawat, infrastrukturany ösdürmek we ş.m. göz öňünde tutulýar.
Baýrak gowşurylyş dabarasy 2024-nji ýylyň 27-nji dekabrynda Dubaýda geçiriler diýip, sport-express.ru ýazýar.
