1912-nji ýylyň 15-nji aprelinde “Titanik” gämisiniň heläkçilige uçran wagty işlemegini togtadan jübi sagady auksiona çykaryldy. Bu barada Daily Mail habar berýär.
Sagat heläkçiligiň pidalarynyň biri bolan Urugwaýdan ýolagçy Ramon Gomese degişlidi. Auksion öýüniň maglumatlaryna görä, ol şezlonga ýapyşyp, halas bolmaga çalşypdyr. Onuň sagadyndaky wagt 04:53-de – gämi gark bolanyndan, takmynan, iki ýarym sagat soň togtady. Gomesiň jesedi heläkçilikden bir hepdeden soň tapyldy.
Ýüz ýyldan gowrak wagtlap sagat merhumyň garyndaşlarynda saklandy. Bu döwürde onuň käbir bölegi hatardan çykdy: sagatda aýnasy we sekunt dili ýok. Muňa garamazdan, artefakt kolleksionerler üçin uly gyzyklanma döredýär.
Hünärmenler onuň bahasynyň 100 müň dollara ýetip biljekdigini çaklaýarlar.
