Täzelenen Mitsubishi Pajero Sport-yň satuwy başlandy. Model eýýäm dilerlere bardy, Braziliýada we beýleki käbir ýurtlarda ol Montero Sport ady bilen çykar diýip, 32Cars.ru habar berýär.
Model HPE, HPE-S, Legend we Legend Black komplektasiýalarynda hödürlenýär. Awtoulagyň daşky görnüşinde ownuk üýtgeşmeler bolup geçdi, esasanam, kuzowyň öň bölegi täzelendi. Reňk hataryna täze Blade Silver Metallic öwüşgini goşuldy we tekerleriň saýlawy giňeldildi: 18-den 20 dýuýma çenli ölçeglerde elýeter.
Pajero Sport-yň içki giňişligi hem döwrebaplaşdyryldy. Üç dilli köp funksiýaly rul oturdyldy, gara ýa-da goňras deri oturgyçlar ýolagçylaryň rahatlygyny üpjün edýär. Oturgyçlaryň öň hatarlary tokly sazlanýar we gyzdyrylýar, Legend komplektasiýasynda we ondan ýokarkylarda 8 dýuýmlyk sanly displeý bar.
Awtoulag 190 at güýjüni öndürýän, çekijiligi 430 Nm bolan 2,4 litrlik turbodizel hereketlendirijisi bilen enjamlaşdyrylandyr. Motor sekiz tizlikli awtomatiki geçiriş bilen jübütlenendir. Peseldiji geçirişli we yzky diferensial gulply tigirli hereketlendiriji ulgam awtoulagyň ýolsuz ýerlerden geçende ýokary mümkinçiliklerini görkezmäge mümkinçilik berýär.
Täze Mitsubishi Pajero Sport-yň bahasy 60 000 dollar.
