Toyotanyň “Modellista” kärhanasy SEMA týuning-şounda J250 nesilinden bolan “Toyota Land Cruiser Pradonyň" ýolsuz ýerlerde hereket etmäge ýöriteleşdirilen görnüşini hödürledi. “Modellista Overland Vision” diýlip atlandyrylýan taslama syýahatçylyk meselelerine gönükdirilendir diýip, “HiConsumption” portaly ýazýar.
Üýtgeşmeler awtoulagyň daşky görnüşine we işleýiş elementlerine täsir etdi. Awtoulagyň öň tarapyndaky täze üýtgeşmeler: kapotyň ugrundaky LED zolaklar, çyralardaky gözenek goraglar, güýçli we gorag plastinkasyna eýe bolan täze bamperdir. Kapotyň öňünde şaha kesijiler bolup, ulagyň gapdaldan görkezijilerinde, gapylarynda ullakan plastmass gorag panelleri bar.
Şeýle-de ulagyň bagaž giňişligine aýratyn üns berilýär. Onuň depesinde syýahatçylyk üçin ýötire bagaž bolup, ol yşyklandyryjylar bilen üpjün edilendir. Awtoulagyň arka tarapynda ýörite bamper we gapy bar, şeýle-de bagaža aňsat çykmak üçin merdiwan ýerleşýär.
Bu ulagyň ýoluny ýagtylandyryjy çyralarynyň ýitiligi ýokarlandyryldy. Şeýle-de ýolsuz ýerlerde hereket etmäge ýöriteleşdirilen ulagyň tekerleri palçykda ýöremek üçin enjamlaşdyrylandyr.
Ulagyň üýtgeşmeleriniň tehniki aýratynlyklary doly aýan edilmedi.
"Modellista" düşünjesi ýerli alyjylar tarapyndan oňyn kabul edilse, “Overland Visionda" ulanylýan garnituralaryň ABŞ-da satylyp bilinjekdigini tassyklady diýip, auto.mail.ru ýazýar.
