Mersedes-Benz Actros-nyň binýadynda tekeriň üstündäki kaşaň öý hödürlendi: bahasy 1,26 mln ýewro

  • 12.11.2024 00:35
  • 16k+

Brabus atelýesi Belgiýanyň STX Motorhomes kompaniýasy bilen bilelikde täze Big Boy 1200 öý ulagy hödürledi. Kaşaň interýerli, 12 metrlik, tekerli öý üç okly Mercedes-Benz Actros ýük ulagynyň esasynda guruldy diýip, AutoMail.ru habar berýär.

Ýük ulagynyň ini 2,5 metr, beýikligi 4 metr. Gapdallaryndaky dört sany tokly işleýän süýşürilýän modul bilen hasam giňelýär.
Içiniň meýdany 30 inedördül metrden gowrak.
Ulaga giren ýeriňde aşhana otagy bar. Onda ähli zerur tehnikalar: gazojak, duhowka, doňduryjyly holodilnik, kofe gaýnadyjy, gap-gaç ýuwýan maşyn we hatda sowadyjy çakyr şkafy hem bar. Kafelli hammamda duş, elýuwar we hajathana gurlan.

Ýük ulagynyň töründe 4,5 metr giňlikdäki ýatylýan otag bar. Öý ulagda birnäçe ýatylýan ýer bar. Esasy iki adamlyk ýatalgadan başga-da, iki sany diwan we sürüjiniň kabinasynyň üstünde ýerleşen goşmaça bir adamlyk ýatalga bar.
Güýmenje üçin iki sany 43 dýuýmlyk 4K telewizor, PS5 oýun konsoly we audioulgam bar. Starlink hemra antennasy we Wi-Fi marşrutizatory aragatnaşygy üpjün edilýär. Interýerinde hakyky deriden, alkantaradan we uglerod süýüminden edilen materiallar ulanylýar.

Ýaşalýan otaglar termiki izolýasiýa edilendir, ýöne kondisioner ulgamy hem bar. Penjireler rolikli perdeler bilen enjamlaşdyrylandyr. Elektrik energiýasynyň bir bölegi üçege oturdylan Gün panelleri we generator arkaly üpjün edilýär.
Öý ulag 530 at güýjüni öndürýän (2600 Nm tork) 12,8 litrlik turbodizel hereketlendirijisi bilen enjamlaşdyrylandyr. Iň ýokary tizligi sagatda bary-ýogy 90 km.
Brabus şeýle jaýlary diňe sargyt esasynda gurar. Modeliň bahasy 1,26 million ýewrodan başlaýar.


16.01.2025 20:26
6.9k+

Mercedes-Benz-iň satuwy pese gaçdy. Brend kyn ýyly başdan geçirdi

2024-nji ýylda Mercedes-Benz kompaniýasy esasy bazarlarda islegiň gowşamagy we elektromobil satmakdaky kynçylyklar sebäpli awtomobilleriň satuwynyň pese gaçmagyny hasaba aldy. Bu barada Reuters agentligi habar...

29.12.2024 16:48
18k+

Mercedes we Audi üçin nyşanlary öndürýän kompaniýa tozdy

1796-njy ýylda döredilen Gerhardi Kunststofftechnik GmbH kompaniýasy maliýe kynçylyklary sebäpli öz işini bes etdi. Kompaniýa tozandygyny habar berdi we bu waka, takmynan, 15 müň işgäre täsir eder diýip, Bloomberg belleýär...

27.12.2024 17:13
5.2k+

Mersedes dizeli “aýyrmaga” howlukmaýar. Gaýtam, olary gowulaşdyrmak üçin maýa goýýar

Globallaşmanyň elektrikleşdirme tarapadygyna garamazdan, Mersedes kompaniýasy dizel bilen işleýän hereketlendirijileri ösdürmegi dowam etdirýär diýip, Motor1 habar berýär. Dizel hereketlendirijilerine bagyşlanan...

23.12.2024 16:25
7.9k+

Mersedes-Benz-iň eýeleri awtoulaglary bilen “gepleşip” bilerler

Mersedes-Benz awtoulaglarynyň media ulgamlarynda giň gerimli täzelenmeleriň başlanandygyny habar berdi. Kompaniýa ses kömekçisi funksiýasyny emeli aň bilen birleşdirer, bu sürüjilere täzelikler, saglyk, geografiýa...