“Altyn top” üçin ses berişligiň netijeleri: Winisius Žunior Rodriden 41 bal yzda

28-nji oktýabrda “France Football” neşiri tarapyndan 2023/2024 möwsüminiň jemi boýunça iň gowy oýunça berilýän “Altyn top” baýragyny haýsy futbolçynyň alandygy belli boldy. Baýraga “Mançester Sitiniň” we Ispaniýanyň milli ýygyndysynyň ýarymgoragçysy Rodri mynasyp boldy.

Häzir bolsa bu baýrak üçin ses berişligiň netijeleri yglan edildi. Rodri mümkin bolan 1485 baldan 1170 bal aldy. Baýragy almaga ýakyn hasaplanan Madridiň “Realynyň” we Braziliýanyň milli ýygyndysynyň hüjümçisi Winisius Žunior bolsa 1129 ses alyp, ikinji boldy. Şeýlelikde, Rodri Žuniordan 41 bal öňe geçýär. Ses berişligiň netijesi boýunça üçünji orny braziliýaly Jud Bellingem eýeledi. Ol 917 bal gazandy.
“Altyn top” – 2024 baýragy üçin ses berişligiň netijeleri, ilkinji onluk:

1. Rodri (“Mançester Siti”) – 1170 bal
2. Winisius Žunior (Madridiň “Realy”) – 1129
3. Jud Bellingem (Madridiň “Realy”) – 917
4. Daniel Karwahal (Madridiň “Realy”) – 550
5. Erling Holand (“Mançester Siti”) – 432
6. Kilian Mbappe (“PSŽ”) – 420
7. Lautaro Martines (“Inter”) – 402
8. Lamin Ýamal (“Barselona”) – 383
9. Toni Kroos (Madridiň “Realy”) – 290
10. Harri Keýn (“Bawariýa”) – 201.