iSeeCars portalynyň hünärmenleri ABŞ-da awtoulag eýeleriniň, köplenç, haýsy modeller bilen seýrek hoşlaşlaýdygyny anyklamak üçin barlag geçirdiler.
1981-2009-njy ýyllar aralygynda goýberilen, 2024-nji ýylyň ýanwar-sentýabr aýlarynda gaýtadan satylan 929 000 ulagyň maglumatlaryny öz içine alýan seljerme Toyota-nyň modelleriniň, beýleki modellere garanda, has uzak wagtlap asyl eýeleriniň elinde galýandygyny görkezdi. Ulag eýeleri, köplenç, bu markanyň awtoulaglaryny 15 ýyl we ondanam köp ulanýarlar.
Iň uzak ulanylýan bäş modeliň sanawyna Toyota Highlander-iň we Camry-niň gibrid görnüşleri, şeýle hem benzin bilen işleýän Highlander, Tacoma we Prius girdi.
Onuň yzyndan çydamlylyk boýunça sanawda Honda CR-V, Ford Escape Hybrid, Toyota RAV4, Lexus IS 350, Nissan Versa, Toyota Tundra, Honda Ridgeline we Subaru Forester durýar.
Brendleriň reýtinginde amerikalylar Toyota, Honda, Lexus-a, Mazda, Hyundai-ýa we Subaru-a has-da wepaly bolup galýarlar.
Iň gowy görülýän 10 krossoweriň sanawynda ýapon modelleri birbada 9 orny eýeledi. Olar - Toyota Highlander (gibrid we ýangyç görnüşleri), Honda CR-V, Ford Escape Hybrid, Toyota RAV4, Subaru Forester, Toyota Venza, Honda Pilot, Toyota 4Runner we Toyota Sequoia.
