Kanadanyň Prodigy Education kompaniýasy emeli aňyň kömegi bilen aýdymlaryň söz baýlygyny we emosional öwüşginini seljerdi. Ylmy gözlegiň dowamynda hünärmenler Billboard çartynda görkezilen häzirki döwrüň iň gowy ýerine ýetirijileriniň we geçen onýyllyklaryň meşhur sazandalarynyň aýdymlaryna ýüzlendi diýip, naked-science.ru ýazýar.
Ylmy gözlege rok, pop, kantri, R’n’B we rep ýaly 15 aýdym-saz žanrynyň her birinden 10 aýdym goşuldy.
Netijede, iň intellektual žanr diýlip metal saýlandy, ýöne şol bir wagtyň özünde-de onuň tekstleri şähdaçyklyk taýdan iň ýaramazy boldy.
Tekstleriniň leksik baýlygy boýunça öňdebaryjylar 52% görkeziji bilen Britaniýanyň Black Sabbath we Pink Floyd toparlary boldy.
Şeýle-de, ilkinji onluga amerikan metal toparlary Slayer we Megadeth, islandiýa-hytaýly jaz ýerine ýetirijisi Laufey, amerikaly aýdymçy Brýus Springstin, kantri aýdymçysy Taýler Çaýlders, rok topary Eagles, meşhur sazandalar Bob Dilan we Jimmi Hendriks girdi.
Seljerme 70-nji ýyllardaky aýdymlarda sözlük gorunyň 38%-e ýetendigini, 90-njy ýyllarda 29%-e çenli peselendigini görkezdi.
Pop we kantri sazandalarynyň tekstleri iň oňyn tekstler boldy. Artistleriň arasynda aýdymlardaky pozitiw boýunça birinji orny amerikaly aýdymçy Marwin Geý, negatiw boýunça – Slayer topary eýeledi.
Prodigy Education dürli ýerine ýetirijileriň we žanrlaryň aýdymlarynda sözleriň ulanylyş ýygylygyny-da öwrendi. Ilkinji bäşlik şeýle boldy: “söýgi”, “bilýärin”, “wagt”, “gowy” we “isleýärin”.
