4-nji noýabrda Aşgabatda geçirilen nobatdan daşary saýlaw konferensiýasynda 43 ýaşly Guwançmuhammet Öwekow biragyzdan Türkmenistanyň Futbol federasiýasynyň täze başlygy wezipesine saýlandy. Bu barada «Janköýer» portaly habar berdi.
Öwekow professional karýerasyny 2014-nji ýylda tamamlady. Ol Türkmenistanyň milli ýygyndysynyň düzüminde hüjümçi ýerinde oýdady, "Nisa" (2001) we "Balkan" (2011) klublarynyň düzüminde Türkmenistanyň çempiony boldy. Karýerasynyň aglaba bölegini Ukrainada geçirdi, şeýle hem Özbegistanda we Gazagystanda çykyş etdi. Ol Türkmenistanyň milli ýygyndysynyň taryhynda ýeke-täk pokeriň (bir oýunda dört gol) awtorydyr. Bu görkeziji AFK Çagyryş kubogynda Owganystan bilen bolan duşuşykda 2008-nji ýylda hasaba alyndy.
Guwançmuhammet Öwekow «Ahalyň» tälimçiler toparynda işledi, soňra «Ahal» we «Arkadag» futbol klublaryna ýolbaşçylyk etdi. Onuň ýolbaşçylygynda "Ahal" 2022-nji ýylda çempionatda we Türkmenistan Kubogynda ýeňiji boldy. Hünärmen şeýle üstünligi «Arkadag» futbol topary bilen hem gazanmagy başardy.
